Thane Trekker | ट्रेकिंग करताना पडल्याने तरुण गंभीर जखमी, माहुली गडावरील घटना | ABP Majha

ठाणे जिल्ह्यातील माहुली गडावर ट्रेकिंग करताना पडल्यानं एक तरुण गंभीर जखमी झालाय. अश्विन गोपाल असं या तरुणाचं नाव असून तो ठाण्यातील रहिवासी आहे. अश्विन त्याची पत्नी आणि एक युवती ट्रेकिंगसाठी माहुली गडावर गेले होते. 90 टक्के चढाई केल्यानंतर अश्विनचा तोल गेला आणि तो खाली कोसळला. काही तरुणांकडून गड संवर्धन मोहीम सुरू असताना त्यांच्या लक्षात ही बाब आली. त्यांनी माहिती दिल्यानं सह्याद्री प्रतिष्ठान आणि माऊली निसर्ग सेवा न्यासचे टीम देखील घटनास्थळी दाखल झाले. त्यांनी जखमी अश्विनला स्ट्रेचरच्या साह्याने गडाच्या पायथ्याशी उतरवलं. जखमी ट्रेकर अश्विनवर ठाण्यातील एका खासगी रुग्णालयात उपचार सुरु आहेत.