Petrol Diesel Price In Mumbai : मुंबईत पहिल्यांदाच पेट्रोल शंभरीपार

महाराष्ट्रातील अनेक भागात पेट्रोलने शंभरी पार केल्यानंतर मुंबईत देखील पेट्रोलचे दर शंभरी पार गेल्याचं दिसतंय. मुंबईत आज पेट्रोल 23 पैशांनी वधारलं आहे. कालपर्यंत 99.81 रुपये पेट्रोलचे दर होते. आज मुंबईत 100.04 रुपये दराने पेट्रोल ग्राहकांना खरेदी करावं लागतं आहे. डिझेलचे भाव देखील 31 पैशांनी वाढले असून डिझेल 91.97 रुपये दराने आता खरेदी करावे लागणार आहे. एकीकडे कोरोना, लॉकडाऊनची झळ सामान्यांना बसत असताना दुसरीकडे महागाईने देखील सामान्यांचं कंबरडं मोडलं आहे.