Mumbai : एखादा पेंग्विन कमी पाळा, पण खड्डे बुजवा : Nitesh Rane यांचं Kishori Pednekar यांना पत्र

मुंबईतल्या खड्डयांवरुन भाजप आणि शिवसेनेमध्ये जुंपण्याची शक्यता आहे. मुंबईतल्या खड्ड्यांबाबत भाजप आमदार नितेश राणे यांनी महापौर किशोरी पेडणेकर यांना पत्र लिहिलंय. एखादा पेंग्विन कमी पाळा, मात्र खड्डे बुजवून मुंबईकरांचा जीवघेणा प्रवास टाळा असं नितेश यांनी पत्रात म्हटलंय. दिवाळीआधी खड्डे बुजवा अन्यथा भाजप रस्त्यावर उतरेल असा इशाराही नितेश यांनी पत्रातून दिलाय. नितेश यांचं पत्र अद्याप मिळालं नाही मात्र मुंबईकरांसाठी खड्डे बुजवण्याचं काम सुरु असल्याची प्रतिक्रिया मुंबईच्या महापौरांनी दिलीय.