NCB अधिकारी Samir Wankhede यांची खात्यांतर्गत चौकशी, प्रभाकर साईल यांच्या आरोपानंतर अडचण वाढली

Drugs Case Update: सध्या संपूर्ण देशात गाजत असलेल्या क्रुझवरील ड्रग्ज पार्टी प्रकरणात काल पंच प्रभाकर साईल यांनी NCBचे अधिकारी समीर वानखेडे (Sameer Wankhede) यांच्यावर खळबळजनक आरोप केले. यानंतर महाविकास आघाडीच्या (Maha Vikas Aghadi) नेत्यांनीही वानखेडे यांच्यावर आरोप केले आहेत. मंत्री नवाब मलिक Nawab Malik) यांनी तर वानखेडे यांच्या पहिल्या लग्नाचा फोटो आणि प्रमाणपत्र ट्वीट केलं आहे. यानंतर आता समीर वानखेडे यांनी मुंबई सत्र न्यायालयात प्रतिज्ञापत्र सादर केलं आहे. मला वैयक्तिकरित्या काही जणांकडून लक्ष्य केलं जातंय, असंही वानखेडे यांनी कोर्टात सांगितलं आहे.