Naseem Khan FULL PC : काँग्रेस नेत्यांवर हल्ला, उघड नाराजी पण अजूनही काँग्रेसचा कट्टर कार्यकर्ता

Naseem Khan FULL PC : मुंबई: काँग्रेस पक्षाचे ज्येष्ठ नेते नसीम खान हे उत्तर-मध्य लोकसभा मतदारसंघातून उमेदवारी न मिळाल्यामुळे प्रचंड नाराज झाले आहेत. त्यांनी जाहीरपणे आपली नाराजी व्यक्त केल्यानंतर एमआयएम पक्षाचे खासदार इम्तियाज जलील यांनी तत्परतेने नसीम खान (Arif Naseem Khan) यांना आपल्या पक्षात येण्याची ऑफर दिली होती. तुम्ही आमच्या पक्षात या. मुंबईतील तुम्ही सांगाल त्या जागेवरुन आम्ही तुम्हाला उमेदवारी देऊ. आम्ही तुमच्यासाठी जाहीर केलेला उमेदवार मागे घेऊ, असे इम्तियाज जलील यांनी म्हटले होते. मात्र, नसीम खान यांनी एमआयएमच्या या ऑफरवर काहीच बोलण्यास नकार दिला. ते शनिवारी मुंबईतील पत्रकार परिषदेत बोलत होते.