Mumbai Rain Update : मुंबईच्या पश्चिम उपनगरात मुसळधार, अंधेरी सबवे बंद

मुंबईच्या पश्चिम उपनगरात मागील अर्धा तासापासून मुसळधार पाऊस सुरू आहे.. पश्चिम उपनगरात अंधेरी, जोगेश्वरी, गोरेगाव,मालाड, कांदिवली, बोरिवली, दहिसर, विलेपार्ले,वांद्रे, सांताक्रुज परिसरात सध्या पावसाची चांगली बॅटिंग सुरू आहे. पावसाचा जोर असाच कायम राहिला तर अर्ध्या ते एक तासांत सखल भागामध्ये पाणी भरायला सुरुवात होण्याची शक्यता नाकारता येत नाही. दरम्यान, ठाण्याकडून सीएसटीकडे जाणाऱ्या लोकल १० ते १५ मिनिटं उशिराने धावत आहेत.