Mumbai Water : मुंबईकरांची पाण्याची चिंता मिटली, 15 जूनपर्यंत पुरेल इतका पाणीसाठा : ABP Majha

मुंबईकरांसाठी एक आनंदाची बातमी आहे. २०२४च्या पावसाळ्यापर्यंत मुंबईकरांची पाण्याची चिंता मिटली आहे. कारण मुंबईला पाणीपुरवठा करणारे सातही तलाव काठोकाठ भरले आहेत. या तलावांमध्ये सध्या १२ लाख सात हजार दशलक्ष लीटर इतका पाणीसाठा आहे. हा साठा १५ जून २०२४पर्यंत पुरेल, असं बीएमसी अधिकाऱ्यांनी सांगितलं. जून महिना कोरडा गेल्यानं काही दिवस पाण्याची चिंता निर्माण झाली होती. २७ जूनपासून १० टक्के पाणीकपातही लागू करण्यात आली होती. मात्र जुलैमध्ये चांगला पाऊस झाल्यानं तलाव तुडुंब भरले, आणि परिणामी ९ ऑगस्टपासून पाणीकपात मागे घेण्यात आली.