Mumbai Air Pollution : मुंबईकरांनो! दिल्लीपेक्षा मुंबईत अधिक प्रदूषण!

मुंबई : सध्या राजधानी दिल्लीसह उत्तरेकडील राज्यांमधल्या प्रदूषणाचा मुद्दा देशभर गाजतोय. प्रकरण सर्वोच्च न्यायालयापर्यंत गेलंय. नवी दिल्लीतील लोकांचा वायू प्रदूषणाने श्वास रोखून धरल्यानंतर मुंबईतील नागरिक देखील प्रदूषणाच्या विळख्यात अडकल्याचे चित्र आता समोर आलं आहे. मात्र सोमवारी दक्षिण मुंबईतली हवा दिल्लीपेक्षा जास्त प्रदूषित होती. समुद्रावरुन वाहणारे वारे, वाऱ्याचा मंदावलेला वेग आणि वाहनांमुळं वाढलेलं प्रदूषण या सगळ्यांचा विपरित परिणाम दक्षिण मुंबईतल्या हवेवर झाला. सोमवारी दक्षिण मुंबईतील हवेचा गुणवत्ता निर्देशांक दिल्लीपेक्षाही अधिक पाहायला मिळाला.