Rishi Kapoor Passes Away | ऋषी कपूर यांच्यावर मरिन लाईन्सच्या चंदनवाडी स्मशानभूमीत अंत्यसंस्कार

जगभरात कोरोनाचं संकट असतानाच, बॉलिवूड विश्वाला सलग दुसऱ्या दिवशी धक्का बसला आहे. हरहुन्नरी कलाकार इरफान खान यांनी काल जगाला अलविदा केल्यानंतर आज बॉलिवूडचे ज्येष्ठ अभिनेते ऋषी कपूर यांचं निधन झालं. वयाच्या 68 व्या वर्षी त्यांनी मुंबईतील सर एच एन रिलायन्स फाऊंडेशन रुग्णालयात अखेरचा श्वास घेतला. त्यांच्यावर मुंबईतील मरिन लाईन्स इथल्या चंदनवाडी स्मशानभूमीत अंत्यसंस्कार होणार आहेत.