Mumbai Metro : मुंबईतील मेट्रो 2A आणि मेट्रो 7 च्या चाचणीला सुरुवात, मुख्यमंत्र्यांकडून हिरवा कंदील

मुंबई हे शहरच गतीचं दुसरं नाव आहे. गेल्या काही महिन्यात कोरोना संकटाने मुंबईची ही गती कमी केली. मात्र मुंबई आता पुन्हा धावण्यासाठी सज्ज होत आहे. मुंबईतील मेट्रो 2A आणि मेट्रो 7 च्या चाचणीला सुरुवात झाली आहे. मुख्यमंत्री उद्धव ठाकरे यांनी या चाचणी हिरवा कंदील दाखवला. यावेळी उपमुख्यमंत्री अजित पवार, महसूलमंत्री बाळासाहेब थोरात, मुंबई उपनगरचे पालकमंत्री आदित्य ठाकरे, मुंबईच्या महापौर किशोरी पेडणेकर उपस्थित होत्या.