Mumbai | मुंबईतील पादचारी पुलाचा सांगाडा कोसळला; दोन जण गंभीर जखमी | ABP Majha

मुंबईत घाटकोपर-मानखुर्द लिंक रोडवर ट्रकचा धक्का लागल्यानं पादचारी पुलाचा सांगाडा कोसळल्याची घटना घडली आहे. गोवंडीजवळच्या बैंगनवाडी सिग्नलवर मध्यरात्रीच्या वेळी ही घटना घडली. पुलाच्या सांगाड्याखाली दबून 4 गाड्यांचा चुराडा झाला आहे. तर या घटनेत 2 जण गंभीर जखमी झाले आहेत. जखमींना उपचारासाठी खासगी रुग्णालयात दाखल करण्यात आलं आहे. पण पुलाच्या पडलेल्या ढिगाऱ्यामुळे पूर्ण रस्ता वाहतूकीसाठी ठप्प झाला आहे. सध्या रस्ता रिकामा करण्यासाठी पुलाचा मलबा हटवण्याचे काम सुरू आहे.