Mumbai Dabbawala | मुंबईच्या डबेवाल्यांना हक्काची घरे मिळणार

मुंबई डबेवाल्यांचे स्वत:च्या मालकीच्या घराचे स्वप्न साकार होण्याचा मार्ग आता जवळपास मोकळा झाला आहे. ठाणे जिल्ह्यातील ४ ठिकाणच्या जागांचे प्रस्ताव दिल्यानंतर नुकतीच त्या जागेची पाहणी डबेवाल्यांच्या शिष्टमंडळाने केली. त्या जागाही डबेवाल्यांना पसंत पडल्याचं कळतंय. गेल्या शतकभरापासून डबे पोहोचवण्याचं काम करणाऱ्या डबेवाल्यांना हक्काचं घर नव्हतं. डबेवाल्यांच्या शिष्टमंडळानं उपमुख्यमंत्री अजित पवार यांची भेट घेतली. त्यानंतर अजित पवारांनी पुढाकार घेत डबेवाल्यांचा प्रश्न मार्गी लावण्यासाठी प्रयत्न सुरु केलेत.