Mumbai City Centre mall fire | 33 तासानंतरही सिटी सेंटर मॉलमधली आग धुमसतीच
प्रशांत बढे, एबीपी माझा
Updated at:
01 Jan 1970 05:30 AM (IST)
Download ABP Live App and Watch All Latest Videos
View In Appमुंबई सेंट्रल येथील सिटी सेंटर मॉलमध्ये लागलेली आग 35 तास उलटून गेल्यानंतरही अजून धुमसत आहे. सध्या या ठिकाणी 14 पाईपलाईनच्या मदतीने आणि दोन मोठ्या शिडीच्या सहाय्याने मॉलच्या बाहेरुन अविरत पाण्याचा मारा सुरु आहे. मात्र मॉलमध्ये असलेले इलेक्ट्रॉनिक साहित्य आणि दुकानातील लाकडी फर्निचर यामुळे ही आग अजूनही धुमसत आहे. या मॉलचे दोन मजले जळून पूर्णपणे खाक झाले.
दरम्यान राज्याचे पर्यावरण आणि पर्यटन मंत्री आदित्य ठाकरे शुक्रवारी (23 ऑक्टोबर) रात्री घटनास्थळाची पाहणी केली. आग विझवण्यासाठी अग्निशमन दल कशाप्रकारे प्रयत्न करत आहेत याची माहिती त्यांनी अधिकाऱ्यांकडून घेतली. या आगीवर त्यांची प्रतिक्रिया घेण्याचा प्रयत्न केला असता आधी अग्निशमन दलाला काम करु द्या, असं त्यांनी सांगितलं.