MCA Election : पवार, शिंदे, फडणवीस एकाच मंचावर, एकमेकांना मिश्किल टोले ABP Majha

मुंबई क्रिकेट असोसिएशन म्हणजे एमसीएची बहुचर्चित निवडणूक अवघ्या काही तासांवर आलीय. या निवडणुकीच्या निमित्तानं खेळांच्या मैदानात राजकारण्याचं काय काम असा सवाल पुन्हा पुन्हा विचारण्यात येत आहे. कारण राष्ट्रवादीचे अध्यक्ष शरद पवार आणि भाजपचे मुंबई अध्यक्ष आशिष शेलार यांच्यासह शिवसेनेतील ठाकरे आणि शिंदे हे दोन्ही गट आपापसातील मतभेद विसरून या निवडणुकीसाठी एक झाले आहेत. पवार-शेलार पॅनेल अशी त्या गटाची ओळख आहे. उपमुख्यमंत्री देवेंद्र फडणवीसांचे निकटवर्तीय अमोल काळे या पॅनेलकडून अध्यक्षपदाची निवडणूक लढवत आहेत. त्यांचा थेट सामना हा माजी कसोटीवीर संदीप पाटील यांच्याशी होत आहे. तसंच राष्ट्रवादीचे आमदार जितेंद्र आव्हाड आणि शिवसेनेचे सचिव मिलिंद नार्वेकर हेही कार्यकारिणी सदस्यपदाची निवडणूक लढवत आहेत. चर्चगेट येथील वानखेडे स्टेडियमच्या परिसरात उद्या दुपारी तीन ते सहा या वेळेत एमसीएच्या निवडणुकीसाठी मतदान होणार आहे.