Lalbaugcha Raja : लालबागच्या राजाच्या चरणी कोट्यवधींचं दान

नवसाला पावणारा बाप्पा अशी ओळख असलेल्या लालबागच्या राजाच्या चरणी भाविकांनी भरभरुन दान दिलं आहे. लालबागच्या बाप्पाच्या चरणी आलेल्या दानाची मोजदाद मंडळाकडून करण्यात आली. दहा दिवसांमध्ये लालबागच्या राजाच्या चरणी पाच कोटी सोळा लाख रुपये रोख रक्कमेचं दान आलं आहे. तर साडेतीन किलो सोनं आणि 64 किलो चांदी यावेळी लालबागच्या राजाच्या चरणी अर्पण करण्यात आली आहे. सोबतच एक किलो सोन्याचा हार, चांदीची गदा, सोना चांदीचे मोदक, चांदीचा मूषक राजा, चांदीचे नारळ, चांदीचा ताट, ((विविध पूजेची सामग्री, चांदीचा छत, चांदीचा कळस, सोना चांदीचे नाणे, सोनेरी गुलाबाचा हार, चांदीची पंक्ती, छोटे मोठे चांदीचे गणपती, सीजन क्रिकेट बॅट,)) तसंच सोन्याचा मुलामा दिलेला चांदीचा मुकूट तसेच इलेक्ट्रिक बाईक इत्यादी वस्तूंचा लिलाव करण्यात आला. दरम्यान लालबागच्या राजाच्या चरणी अर्पण केलेल्या वस्तू घेण्यासाठी भाविकांनी गर्दी केली आहे.