Mumbai Festival : महाराष्ट्र पर्यटन विभागाकडून होणार मुंबई फेस्टिव्हल, गिरीश महाजन यांची घोषणा

महाराष्ट्र पर्यटन विभागाकडून मुंबई फेस्टिव्हलचे आयोजन करण्यात आलं आहे. २० ते २८ जानेवारी २०२४ रोजी मुंबई फेस्टिव्हल पार पडणार आहे, अशी माहिती मंत्री गिरीश महाजन यांनी दिलीय. विजक्राफ्ट या इवेंट मॅनेजमेंट कंपनीकडे या कार्यक्रमाच्या आयोजनाची जबाबदारी देण्यात आली आहे. मुंबई विविधतेने नटलेली आहे. जगातील पर्यटक मोठ्या प्रमाणात येथे येतात. अतिरेकी हल्ले झाले तरी मुंबई कधी थांबली नाही असं महाजन यावेळी म्हणाले.