Coronavirus | मुंबईतील खासगी डॉक्टरांना सरकारी रुग्णालयातील कोरोना रुग्णांवर उपचार करणं बंधनकारक

मुंबईतील खासगी डॉक्टरांनी 15 दिवस कोविड-19 चे रुग्ण असलेल्या सरकारी रुग्णालयांमध्ये सेवा द्यावी, असं आवाहन वैद्यकीय शिक्षण-संशोधन मंडळाचे संचालक डॉ. तात्याराव लहाने यांनी केलं आहे. तसंच आवाहनाला प्रतिसाद न दिल्यास खासगी डॉक्टरांवर कारवाई केली जाऊ शकते, असा इशाराही देण्यात आला आहे. मुंबईत अॅलोपॅथीचे अंदाजे 30 हजार डॉक्टर आहेत, त्यापैकी 13 हजार डॉक्टर इंडियन मेडिकल असोसिएशनचे सदस्य आहेत.