CM Eknath Shinde calls Dhananjay Munde : मुख्यमंत्री शिंदेंचा धनंजय मुंडेंना फोन, तब्येतीची चौकशी

राष्ट्रवादी काँग्रेसचे अपघातात जखमी झालेले आमदार धनंजय मुंडेंना लातूरहून एअर अँब्युलन्सनं मुंबईत आणण्यात आलं आहे. त्यांना उपचारांसाठी मुंबईतल्या ब्रीच कँडी रुग्णालयात दाखल करण्यात आलं आहे. मुंडे यांच्या कारला मध्यरात्री परळीतल्या आझाद चौकात अपघात झाला. त्या अपघातात त्यांच्या बरगड्यांना दुखापत झाली आहे. या अपघातात मुंडे यांच्या बीएमडब्ल्यू कारच्या समोरच्या भागाचा चुराडा झाला. पण अपघातानंतर एअर बॅग्ज लगेच उघडल्या. त्यामुळं मोठा अनर्थ टळल्याचं सांगण्यात येत आहे. मुंडे यांच्या छातीत छोटं फ्रॅक्चर असल्याचं आढळून आलं आहे. त्यामुळं त्यांना लातूरहून एअर अँब्युलन्सनं मुंबईत उपचारांसाठी आणण्यात आलं आहे. दरम्यान, मुख्यमंत्री एकनाथ शिंदे यांनी फोनवरून धनंजय मुंडे यांच्या प्रकृतीची चौकशी केली आहे.