Shraddha Walker Murder Case : श्रद्धा वालकरच्या हत्येमागे लव्ह जिहाद?, राम कदम यांचा सवाल
Download ABP Live App and Watch All Latest Videos
View In Appमुंबईतल्या एका मुलीच्या दिल्लीत झालेल्या निर्घृण हत्येनं अवघा देश हादरला. या घटनेमागे लव्ह जिहाद प्रकरण आहे का? असा सवाल करत भाजपचे आमदार राम कदम यांनी या घटनेच्या चौकशीची मागणी केलीय. या प्रकरणी आवाज उठवण्यासाठी राम कदम आज सकाळी घाटकोपरमध्ये आंदोलनही करणार आहेत. वसईतील श्रद्धा वालकर या तरुणीची तिचाच प्रियकर आफताब पूनावाला यानं दिल्लीत हत्या केली आणि तिच्या शरीराचे ३५ तुकडे केले. सहा महिन्यांपूर्वी झालेल्या या खुनाचा उलगडा आता झाला तेव्हा या घटनेतलं कौर्यही समोर आलं. दोघेही मूळचे वसईतलेच होते. श्रद्धाच्या या प्रेमप्रकरणाला तिच्या घरच्यांचा विरोध होता. पण हा विरोध झुगारून ती आफताब सोबत लिव्ह इन रिलॅशनशिपमध्ये राहत होती. तिने आफताबकडे लग्नासाठी तगादा लावल्यानं त्यानं तिची हत्या केल्याचं समोर आलंय. या प्रकरणात आफताबला अटक करण्यात आलीय.