Sharad Pawar Amit Shah Meet : भेटीतून लगेच राजकीय अर्थ काढू नये : प्रवीण दरेकर ABP Majha

राष्ट्रवादी काँग्रेसचे अध्यक्ष शरद पवार आज केंद्रीय गृहमंत्री अमित शाह यांची भेट घेणार आहेत. थोड्याच वेळात संसदेतील अमित शाह यांच्या कार्यालयात ही भेट होणार आहे. शाह यांच्याकडे सहकार खात्याचा कारभार आल्यानंतरची ही पहिलीच भेट आहे. त्यामुळे सहकाराच्या मुद्द्यावर पवार-शाह भेट होणार असल्याची माहिती सूत्रांकडून मिळतेय. या भेटी दरम्यान पवारांसोबत साखर संघटनेचे नाईकनवरे आणि दांडेगावकर हेही उपस्थित राहणार असल्याची माहिती मिळतेय. पवार-शाह भेटीमुळे राजकीय चर्चांनाही उधाण आलंय. कारण दोन आठवड्यांपूर्वीच शरद पवारांनी पंतप्रधान मोदींची भेट घेतली होती. त्यानंतर आता पवारांची शाहांसोबत भेट होतेय. त्यामुळे या दोन्ही नेत्यांमध्ये केवळ सहकार क्षेत्रावरच चर्चा होणार की पडद्यामागून काही राजकीय खलबतं होणार का याबाबत तर्कवितर्कांना उधाण आलंय. 

पवार-अमित शाह भेटीवर विधानपरिषदेचे विरोधी पक्षनेते प्रवीण दरेकर यांच्याशी संवाद साधलाय नवनाथ बन यांनी...