Marathi language row | मुख्यमंत्री फडणवीसांचा इशारा; मराठीचा आग्रह योग्य, मारहाण सहन नाही!

महाराष्ट्रामध्ये मराठी भाषेचा आग्रह योग्य आहे, मात्र दुराग्रह नको, असे मत मुख्यमंत्री Fadnavis यांनी व्यक्त केले आहे. भाषेवरून होत असलेली मारहाण सहन केली जाणार नाही, असा स्पष्ट इशारा त्यांनी दिला. स्वतःच्या मुलांना इंग्रजी शाळेत शिकवून मराठी शाळेसाठी गळा काढणाऱ्यांना त्यांनी टोला लगावला. मराठीचा अभिमान असणे आणि महाराष्ट्रात मराठी बोलली जावी, हा आग्रह चुकीचा नाही, असेही त्यांनी नमूद केले. परंतु, एखाद्या व्यावसायिकाला मराठी येत नाही म्हणून त्याला मारहाण करणे पूर्णपणे चुकीचे आहे. उद्या आपले अनेक मराठी भाषिक लोक वेगवेगळ्या राज्यांमध्ये व्यवसाय करतात. त्यांना तिथली भाषा येत नाही म्हणून त्यांच्याशी अशीच वागणूक होईल का, असा प्रश्न त्यांनी उपस्थित केला. भारतामध्ये अशा प्रकारची वागणूक आणि गुंडशाही योग्य नाही. त्यामुळे अशा प्रकारची गुंडशाही करणाऱ्यांवर योग्य कारवाई केली जाईल, असेही मुख्यमंत्री Fadnavis यांनी स्पष्ट केले.