Zoting Committee Report : भोसरी जमीन घोटाळ्याप्रकरणी झोटिंग समितीचा खडसेंवर ठपका?
Download ABP Live App and Watch All Latest Videos
View In Appभोसरी जमीन घोटाळ्याच्या चौकशीसाठी नेमण्यात आलेल्या झोटिंग समितीनं एकनाथ खडसेंवर गंभीर ठपका ठेवलाय. पत्नी मंदाकिनी आणि जावई गिरीश चौधरी यांना जमीन भूखंड विकत घेता यावा म्हणून खडसेंनी पदाचा गैरवापर केला असा अहवाल झोटिंग समितीनं तात्कालीन सरकारला सादर केला होता अशी माहिती आता समोर येतेय. टाईम्स ऑफ इंडियानं यासंदर्भातलं वृत्त दिलंय. झोटिंग समितीचा अहवाल मंत्रालयातून गहाळ झाल्याचं वृत्त काल एबीपी माझानं दाखवलं होतं. त्यानंतर मंत्रालयातल्या यंत्रणा कामाला लागल्या आणि झोटिंग समितीचा अहवाल पुन्हा प्राप्त झाल्याचं कळतंय. दरम्यान भोसरी जमीन घोटाळ्याप्रकरणी सध्या खडसे, त्यांच्या पत्नी आणि जावयाच्या मागे ईडीचा ससेमिरा लागलाय. अशातच झोटिंग समितीचा अहवाल समोर आल्यानं खडसेंच्या अडचणीत भर पडण्याची शक्यता आहे