Yavatmal | वीज पडून कुटुंबातील सहा जणांचा मृत्यू; यवतमाळमधील गुजरी गावातील घटना | ABP Majha

यवतमाळमधील राळेगाव तालुक्यातील गुजरी येथे वीज पडून एकाच कुटुंबातील सहा जणांचा मृत्यू झाल्याची दुर्दैवी घटना घडली आहे.  राळेगावपासून जवळच असलेल्या गुजरी येथील शिवारात ही घटना आज उघडकीस आली. गुजरी शिवारातील अरुण गोंडे यांच्या शेतात निमगव्हान येथील गायी चारणारे काही दिवसांपासून गायी चाराईसाठी शेतातील शेडमध्ये मुक्कामी होते. काल संध्याकाळी राळेगाव तसेच परिसरात विजेच्या कडकडाटासह मुसळधार पाऊस झाला. त्यामुळे रात्री कधीतरी वीज पडून त्यांचा मृत्यू झाला असावा असा प्राथमिक अंदाज व्यक्त केला जात आहे.