World Record: नागपुरात 52 हजारहून अधिक विद्यार्थ्यांचे सामूहिक गीता पठण करत नवा विश्वविक्रम Special Report

नागपूरमधील खासदार सांस्कृतिक महोत्सवामध्ये (Khasdar Sanskrutik Mahotsav) तब्बल ५२,५५९ शाळकरी विद्यार्थ्यांनी सामूहिक गीतापठण करून नवा विश्वविक्रम प्रस्थापित केला. या कार्यक्रमाला केंद्रीय मंत्री नितीन गडकरी (Nitin Gadkari) आणि श्री रामजन्मभूमी ट्रस्टचे कोषाध्यक्ष स्वामी गोविंददेव गिरी महाराज (Swami Govinddev Giri Maharaj) उपस्थित होते. 'मागच्या वर्षी आपण तीस हजार विद्यार्थ्यांनी वन्दे मातरम् आणि मनाचे श्लोक म्हणून गिनिज बुक ऑफ वर्ल्ड रेकॉर्डमध्ये नोंद केली होती,' असे नितीन गडकरी यांनी सांगितले. ईश्वर देशमुख शारीरिक शिक्षण महाविद्यालयाच्या मैदानावर झालेल्या या उपक्रमात, तरुण पिढीमध्ये जीवनमूल्ये रुजावीत या उद्देशाने भगवद्गीतेच्या १२व्या (भक्तियोग), १५व्या (पुरुषोत्तम योग) आणि १६व्या (दैवी आणि आसुरी गुण) अध्यायाचे पठण करण्यात आले. हा उपक्रम विद्यार्थ्यांच्या मनात लहानपणापासून ज्ञानयोग, कर्मयोग आणि भक्तियोग यांची शिकवण रुजवण्यासाठी आयोजित करण्यात आला होता.