Who is Hindustani Bhau : रुको जरा, सबर करो म्हणणारा कोण आहे हिंदुस्थानी भाऊ?
Download ABP Live App and Watch All Latest Videos
View In AppHindustani bhau : दहावी बारावीच्या परीक्षा ऑफलाईन नको, ऑनलाईन घेण्यात याव्यात या मागणीसाठी राज्यभरात विद्यार्थ्यांनी आंदोलन पुकरले आहे. विद्यार्थ्यांच्या या आंदोलनामागे सोशल मीडिया सेलिब्रिटी हिंदुस्थानी भाऊचा व्हिडीओ असल्याचे बोललं जात आहे. चार दिवसांपूर्वी हिंदुस्थानी भाऊचा एक व्हिडीओ व्हायरल झाला होता. परीक्षा ऑफलाईन न घेता ऑनलाईन घ्याव्यात. शक्य झाले तर रद्द करा पण विद्यार्थ्यांच्या जिवाशी खेळू नका. जर निर्णय बदलला नाही तर रस्त्यावर उतरुन आंदोलन करु, असे व्हिडीओत हिंदुस्थान भाऊने म्हटले होतं. हा व्हिडीओ सोशल मीडियावर वाऱ्यासाराखा व्हायरल झाला अन् विद्यार्थ्यी रस्त्यावर आंदलानासाठी उतरले. हिंदुस्थानी भाऊच्या व्हिडीओमुळे हे आंदोलन झालेय का? यात राजकीय हात आहे का? विद्यार्थ्यांचा बोलवता धनी नेमका कोण आहे? याबाबतच्या चर्चा सुरु झाल्या आहेत. पण या आंदोलनामुळे हिंदुस्थानी भाऊ पुन्हा एकदा चर्चेत आला आहे. नेमका हा हिंदुस्थानी भाऊ आहे कोण? जाणून घेऊयात....