Yogesh Kadam Weapon License | गुन्हेगाराला शस्त्र परवाना? गृहराज्यमंत्र्यांच्या भूमिकेवर प्रश्नचिन्ह

पुण्यातील गुंड निलेश घायवळ लंडनला पळून गेल्याच्या घटनेनंतर त्याचा भाऊ सचिन घायवळचे कारनामे चर्चेत आले आहेत. सचिन घायवळची गुन्हेगारी पार्श्वभूमी आहे. त्याने पुणे पोलिसांकडे बंदुकीच्या परवान्यासाठी अर्ज केला होता, मात्र पोलिसांनी गुन्हेगारी पार्श्वभूमीमुळे परवाना देण्यास नकार दिला. यानंतर सचिन घायवळने थेट गृहराज्यमंत्री योगेश कदम यांच्याकडे शस्त्र परवान्यासाठी अर्ज केला. योगेश कदम यांनी या अर्जानुसार सचिन घायवळला शस्त्र परवाना देण्याचे आदेश दिले. मात्र, पुणे पोलिसांनी सचिन घायवळची गुन्हेगारी पार्श्वभूमी पाहता परवाना देण्यास पुन्हा नकार दिला. या प्रकरणात गृहराज्यमंत्री योगेश कदम यांनी स्पष्टीकरण दिले आहे. त्यांनी ट्वीट केले की, 'सचिन घायवड याने माझ्याकडे शस्त्र केलेल्या, केलेल्या शस्त्र परवाना अपील प्रकरणात. पोलीस विभागाकडून आलेल्या अहवालानुसार. सुनावणीच्या दिवशीपर्यंत त्याच्याविरोधात कोणतेही गुन्हे प्रलंबित नव्हते. उपलब्ध कागदपत्रे आणि न्यायालयाच्या निर्णयाने निर्दोष मुक्त केल्याच्या आदेशाचे अवलोकन करून नियमानुसार सदर प्रकरणात आवश्यक ती कार्यवाही केली.' या प्रकरणानंतर सुषमा धारे आणि संजय शिरसाट यांनी योगेश कदम यांच्या राजीनाम्याची मागणी केली आहे.