Water Wastage: Boisar-Tarapur MIDC मध्ये पाइपलाइन फुटली, लाखो लिटर पाणी वाया

बोईसर तारापूर एमआयडीसी (Boisar-Tarapur MIDC) परिसरात पाणीपुरवठा करणारी पाइपलाइन फुटल्याने मोठी खळबळ उडाली आहे. या घटनेमुळे लाखो लिटर पाणी वाया गेले आहे. रस्त्यालगत सुरू असलेल्या कामादरम्यान एका जेसीबीचा (JCB) धक्का लागल्याने ही पाइपलाइन फुटल्याची प्राथमिक माहिती आहे. पाइपलाइन फुटल्यानंतर सुमारे वीस ते पंचवीस मिनिटे पाण्याचे उंच फवारे उडत होते, ज्यामुळे रस्त्यावर आणि आजूबाजूच्या परिसरात सर्वत्र पाणीच पाणी साचले. या घटनेमुळे परिसरातील पाणीपुरवठ्यावर गंभीर परिणाम होण्याची शक्यता वर्तवण्यात येत आहे. प्रशासनाकडून दुरुस्तीचे काम कधी सुरू होणार आणि पाणीपुरवठा कधी सुरळीत होणार याकडे आता सर्वांचे लक्ष लागले आहे.