Voter List : मतदार याद्यांमध्ये घोळ? निवडणुका पुढे ढकलण्याची विरोधकांची मागणी

स्थानिक स्वराज्य संस्थांच्या निवडणुकांच्या तोंडावर मतदार याद्यांमधील (Voter Lists) गोंधळावरून राजकारण तापले आहे. शिवसेना (UBT) पक्षप्रमुख उद्धव ठाकरे (Uddhav Thackeray), मनसे अध्यक्ष राज ठाकरे (Raj Thackeray) आणि महाविकास आघाडीच्या नेत्यांनी निवडणूक आयोगाची (Election Commission) भेट घेऊन याद्या दुरुस्त होईपर्यंत निवडणुका पुढे ढकलण्याची मागणी केली आहे, तर मुख्यमंत्री देवेंद्र फडणवीस (Devendra Fadnavis) यांनी हा 'फियास्को' असल्याचे म्हटले आहे. 'पराभव दिसत असल्यामुळे केवळ नरेटिव (Narrative) तयार करण्याचं काम सुरू आहे,' असा थेट हल्ला मुख्यमंत्र्यांनी विरोधकांवर केला. सलग दोन दिवस चाललेल्या बैठकांनंतर विरोधकांनी पत्रकार परिषद घेऊन मतदार याद्यांमध्ये एकाच घरात शेकडो मतदार, वडिलांपेक्षा मुलाचे वय जास्त दाखवणे यांसारख्या गंभीर चुका असल्याचे पुराव्यानिशी सांगितले. जोपर्यंत या त्रुटी दूर होत नाहीत, तोपर्यंत निवडणुका होऊ नयेत, अशी भूमिका विरोधकांनी घेतली आहे. यावर प्रतिक्रिया देताना मुख्यमंत्र्यांनी, शरद पवार यांना यातले कळते म्हणूनच ते आजच्या बैठकीला गेले नाहीत, असा टोलाही लगावला.