Vinod Kambali Birthday Celebration :हटके सरप्राईज! रुग्णालयातच विनोद कांबळींचं बर्थडे सेलिब्रेशन

Vinod Kambali Birthday Celebration :हटके सरप्राईज! रुग्णालयातच विनोद कांबळींचं बर्थडे सेलिब्रेशन
 माजी क्रिकेटपटू विनोद कांबळी यांचा वाढदिवस भिवंडीतील आकृती रुग्णालयात उत्साहात साजरा  भारताचे माजी क्रिकेटपटू आणि आपल्या आक्रमक फलंदाजीसाठी प्रसिद्ध असलेल्या विनोद कांबळी यांना चार दिवसांपूर्वी भिवंडीतील आकृती रुग्णालयात रुटीन तपासणीसाठी दाखल करण्यात आले होते. तपासणी दरम्यान त्यांना अशक्त वाटत असल्याने डॉक्टरांच्या सल्ल्यानुसार त्यांना रुग्णालयातच ठेवण्यात आले. सध्या त्यांच्या प्रकृतीत चांगली सुधारणा होत असून, डॉक्टरांनी उपचारांवर समाधान व्यक्त केले आहे.  काल, 18 जानेवारी रोजी त्यांच्या वाढदिवसानिमित्त रुग्णालयात एक खास समारंभ आयोजित करण्यात आला. यावेळी आकृती रुग्णालयाचे संचालक शैलेश ठाकूर, रुग्णालयातील डॉक्टर, कर्मचारीवर्ग आणि विनोद कांबळी यांचे कुटुंबीय उपस्थित होते. यावेळी केक कापून आणि पुष्पगुच्छ तसेच फोटो फ्रेम देऊन त्यांचा वाढदिवस साजरा करण्यात आला . या प्रसंगी विनोद कांबळी भावुक झाले आणि त्यांनी रुग्णालय प्रशासन तसेच त्यांच्या चाहत्यांचे आभार मानले.