Vegetables Price Hike : टोमॅटो 160 रु. किलो, कोथिंबीर 400 रु. जुडी; राज्यात भाजीपाला महागला

राज्यातील सत्ताकारण जोरात सुरू असतानाच सामान्य माणूस मात्र महागाईच्या आगीत होरपळून निघतोय. तीन आठवड्यांपासून टोमॅटोच्या भावाने महागाईचं शिखर गाठलंय. आजमितीला बाजारात टोमॅटोसाठी प्रतिकिलो तब्बल १६० रुपये मोजावे लागत आहेत. तर कोथिंबीर जुडीसाठी थोडथोडके नव्हे, तर चांगले 400 रुपये मोजावे लागत आहेत. महाराष्ट्रासह विविध राज्यांत सुरू असलेल्या पावसाचा टोमॅटोसह इतर भाज्यांना फटका बसल्याचे सांगण्यात येते. दरम्यान, टोमॅटोसह भाजीपाला सामान्यांच्या आवाक्याबाहेर गेला असून घरचं बजेट कोलमडून गेलंय. पण या वाढीव दराचा फायदा खरंच शेतकऱ्यांना होतोय का, हाच खरा प्रश्न आहे.