Vasant More : मी माझ्या साहेबांसोबतच; Raj Thackeray - Sharmila Thackeray यांनी काढली मोरेंची समजूत
Download ABP Live App and Watch All Latest Videos
View In AppVasant More : पुणे शहराध्यक्ष पदावरुन हकालपट्टी केलेले मनसेचे नगरसेवक वसंत मोरे यांनी आज मनसे प्रमुख राज ठाकरे यांची भेट घेतली. राज ठाकरेंच्या मुंबईतील निवासस्थानी म्हणजेच 'शिवतीर्थ' येथे वसंत मोरेंनी भेट घेतली. या भेटीनंतर वसंत मोरे यांनी एक ट्वीट केले आहे. 'मी माझ्या साहेबांसोबत...आयुष्यात संघर्षाचा वनवास भोगल्याशिवाय सुखाचा राजयोग येत नाही...!' असे ट्वीट वसंत मोरे यांनी केले आहे. सध्या त्यांच्या या ट्वीटची सर्वत्र चर्चा सुरु आहे.
वसंत मोरे यांची पुणे शहराध्यक्ष पदावरुन हकालपट्टी केल्यानंतर ते अन्य कोणत्या पक्षात जाणार अशी जोरदार चर्चा राजकीय वर्तुळात सुरु होती. मात्र, भेटीनंतर वसंत मोरेंनी मी माझ्या साहेबांसोबत असे ट्वीट केले आहे. आयुष्यात संघर्षाचा वनवास भोगल्याशिवाय सुखाचा राजयोग येत नाही, असे ट्वीट वसंत मोरेंनी केले आहे. त्यामुळं सध्या तरी वसंत मोरे दुसऱ्या कोणत्या पक्षात जाणार नसल्याचे दिसत आहे. कारण त्यांनी राज ठाकरेंसोबत राहणार असल्याचे सांगितले आहे. तसेच या ट्वीटबरोबर त्यांनी पुण्याचे मनसेचे नवीन शहराध्यक्ष आणि मनसेचे नगरसेवक साईनाथ बाबर यांच्याबरोबरचा फोटोही शेअर केला आहे.