Anaconda Politics: 'मुंबई गिळायचीय, पोट फाडून बाहेर येऊ', Uddhav Thackeray यांचा Amit Shah यांना इशारा

शिवसेना (UBT) पक्षप्रमुख उद्धव ठाकरे आणि केंद्रीय गृहमंत्री अमित शहा यांच्यात नवा वाद पेटला आहे. ठाकरे यांनी अमित शहा यांचा 'अॅनाकोंडा' असा उल्लेख करत ते मुंबई गिळायला आले आहेत, अशी घणाघाती टीका केली. 'अॅनाकोंडा म्हणजे सगळं गिळणारा साप आणि तो आज येऊन गेला इकडे, त्याला मुंबई गिळायचीय', असे उद्धव ठाकरे म्हणाले. या टीकेला उपमुख्यमंत्री एकनाथ शिंदे यांनी जोरदार प्रत्युत्तर दिले आहे. जे पूर्वी कंत्राटदारांच्या याद्या मोजत होते, ते आता पराभव समोर दिसू लागल्याने मतदार याद्या मोजत आहेत, असा टोला शिंदे यांनी लगावला. बोगस मतदार नोंदणीच्या मुद्द्यावरूनही त्यांनी ठाकरे गटावर निशाणा साधला आहे. या आरोप-प्रत्यारोपांमुळे महाराष्ट्राचे राजकीय वातावरण चांगलेच तापले आहे.