Top 50 News : टॉप 50 : बातम्यांचा वेगवान सुपरफास्ट आढावा : 6 नोव्हेंबर 2024 : ABP Majha

राहुल गांधींभोवती अर्बन नक्षलवादी लोकांचा घोळका, देवेंद्र फडणवीसांचा आरोप. आपली राज्यघटना निळ्या रंगाची आहे, मात्र राहुल गांधी दाखवत असलेली राज्यघटना ही लाल रंगाची,  फडणवीसांची टीका.

सामाजिक क्षेत्रातील लोकांना अर्बन नक्षल म्हणणे हा त्यांचा अपमान,  वडेट्टीवारांचं फडणवीसांना प्रत्युत्तर, राहुल गांधींचा कार्यक्रम सामाजिक संस्थांनी आयोजित केल्याचं वडेट्टीवारांकडून स्पष्ट.

राहुल गांधी हे बाबासाहेबांच्या विचारांचे विरोधक असून ते संविधानाच्या गोष्टी करत आहेत, बावनकुळेंचा टोला, राहुल गांधींचा नक्षलवादाला पाठिंबा असल्याचंही  बावनकुळेंचं वक्तव्य.

राहुल गांधी जातीपातींमध्ये भेद करण्यासाठी देशात फिरत आहेत, देशाच्या संस्कृतीचा नाश राहुल गांधी करत आहेत, श्रीराम जन्मभूमी मंदिराचे कोषाध्यक्ष गोविंद देवगिरी महाराजांची टीका

संविधानविरोधी असलेल्यांनी संविधानाच्या रंगावर बोलू नये, फडणवीसांच्या टीकेला नाना पटोलेंचं प्रत्युत्तर, हिंदु संस्कृतीत लाल रंगाला शुभ मानलं जातं, मात्र भाजपला त्याचाही त्रास, पटोलेंचा हल्लाबोल.