Jalgaon Crime: 'पोलिसांचा धाक नाही', आमदार Eknath Khadse यांच्या घरात चोरीनंतर संताप

जळगावमध्ये राष्ट्रवादी काँग्रेस शरद पवार गटाचे आमदार एकनाथ खडसे यांच्या घरी चोरीची घटना घडली आहे, तर काही दिवसांपूर्वीच त्यांच्या सून आणि केंद्रीय राज्यमंत्री रक्षा खडसे यांच्या पेट्रोल पंपावर दरोडा पडला होता. 'पोलिसांचा जळगाव जिल्ह्यात धाक उरलेला नाही, चोऱ्या, दरोडे, असे प्रकार सातत्याने होत आहेत', अशी संतप्त प्रतिक्रिया एकनाथ खडसे यांनी दिली आहे. एकनाथ खडसे हे मुक्ताईनगर येथे राहत असल्याने जळगावमधील त्यांचे घर बंद होते, याचाच फायदा घेत चोरट्यांनी घरात प्रवेश केला. या घटनेत सोन्याचे दागिने आणि रोख रक्कम लंपास झाल्याची प्राथमिक माहिती आहे. या दोन्ही घटनांमुळे जळगावमधील कायदा आणि सुव्यवस्थेवर प्रश्नचिन्ह निर्माण झाले असून, पोलीस या प्रकरणांचा अधिक तपास करत आहेत.