Tata Airbus : महाराष्ट्रातील आणखी एक प्रकल्प गुजरातला, आरोपांच्या फैरी सुरू; काय आहे प्रकरण?

वेदांता फॉक्सकॉन, बल्क ड्रग पार्कनंतर तिसरा प्रकल्प महाराष्ट्राबाहेर गेलाय... महाराष्ट्रातला 22 हजार कोटींचा टाटा एअरबस प्रकल्प गुजरातला गेल्यानं राजकीय आरोप प्रत्यारोप सुरु झालेत. सी-295 लष्करी ट्रान्सपोर्ट एअरक्राफ्ट प्रकल्प नागपूरऐवजी आता गुजरातच्या बडोद्यात होणार आहे. आणखी एक प्रकल्प महाराष्ट्राबाहेर गेल्यानं महाविकास आघाडीच्या नेत्यांनी आक्रमक भूमिका घेतलीय. तर शिंदे-फडणवीस सरकारनं महाविकास आघाडी सरकारवरच खापर फोडलंय. वर्षभरापूर्वीच हा प्रकल्प गुजरातमध्ये नेण्याचं ठरलं होतं, असं उद्योगमंत्री उदय सामंत यांनी म्हटलंय. महाविकास आघाडी सरकारनं या प्रकल्पासाठी प्रयत्नच केले नाहीत असा आरोप त्यांनी केला. विशेष म्हणजे वेदांता-फॉक्सकॉन प्रकल्प महाराष्ट्राबाहेर गेला तेव्हा उद्योगमंत्री सामंत यांनी टाटा एअरबस प्रकल्पासाठी केंद्राकडे पाठपुरावा सुरू आहे असं म्हटलं होतं.