Sushma Andhare Protest Phaltan Doctor Case : फलटण महिला डॉक्टर प्रकरणी सुषमा अंधारे मोर्चा काढणार

फलटणमधील महिला डॉक्टर आत्महत्या प्रकरणी (Phaltan doctor suicide case) ठाकरे गटाच्या नेत्या सुषमा अंधारे (Sushma Andhare) आक्रमक झाल्या असून, त्यांनी आज फलटण पोलीस स्टेशनवर मोर्चा काढला आहे. या प्रकरणात माढ्याचे माजी खासदार रणजितसिंह नाईक निंबाळकर (Ranjitsinh Naik-Nimbalkar) यांच्यावर गंभीर आरोप करण्यात आले आहेत. सुषमा अंधारे यांनी 'ही आत्महत्या नसून हत्या असल्याचा' आरोप केला आहे. अंधारे यांनी निंबाळकरांवर प्रशासकीय दहशत निर्माण केल्याचा आरोप करत, या प्रकरणाची सखोल चौकशी करण्याची मागणी केली आहे. या मोर्चात पीडित डॉक्टरचे वडीलही सहभागी झाले आहेत. दुसरीकडे, खासदार सुप्रिया सुळे (Supriya Sule) आज पीडित कुटुंबाची सांत्वनपर भेट घेणार आहेत. पोलिसांनी पोलीस स्टेशन परिसरात कडेकोट बंदोबस्त ठेवला असून, आतापर्यंतच्या तपासात कोणतेही राजकीय लागेबांधे समोर आलेले नाहीत, असे म्हटले आहे. मात्र, या प्रकरणामुळे फलटणमधील राजकीय वातावरण तापले आहे.