Disha Salian च्या मृत्यूबाबत राणेंनी केलेल्या दाव्याचे अहवाल 48 तासात सादर करा: राज्य महिला आयोग

Disha Salian Parents : केंद्रीय मंत्री नारायण राणे खोटं बोलले का? हा प्रश्न विचारण्यामागचं कारण आहे दिशा सालियनच्या आई-वडिलांच्या डोळ्यातले अश्रू. राजकीय स्वार्थासाठी आमच्या मुलीची नाहक बदनामी केली जातेय, दिशा सालियन हिची हत्या झालीच नव्हती. तिचा पोस्ट मार्टेम रिपोर्टही आलाय अशी माहिती आज दिशा सालियनच्या आई-वडिलांनी प्रसार माध्यमांना दिली आहे. आणि आपली व्यथा मांडताना दिशाच्या माता-पित्याच्या डोळ्यात अश्रू उभे ठाकले होते. दिशा सालियनवर अत्याचार करुन तिची हत्या करण्यात आल्याचा आरोप नारायण राणेंनी शनिवारी झालेल्या पत्रकार परिषदेत केला होता.