राज्य सरकारकडून Bullet Trainचा स्पीड ब्रेकर दूर, कांजूर मेट्रो शेडचा मार्गही मोकळा होणार?

केंद्र आणि राज्य सरकारच्या वादात अडकलेल्या कांजूर मेट्रो कारशेडचा मार्ग लवकरच मोकळा होण्याची शक्यता आहे. त्याचं कारण राज्य सरकारनं बुलेट ट्रेनमधला अडथळा दूर केल्यानंतर केंद्र सरकारच्या पर्यावरण विभागाकडून कोस्टल रोडला हिरवा कंदील दाखवण्यात आला आहे. या निर्णयामुळे मुंबईतील सागरी प्रकल्पांचा मार्ग मोकळा झालाय. त्यानंतर मुंबईतील कांजूर मेट्रो कारशेडचा मार्गही मोकळा होण्याची शक्यता आहे. कांजूर मेट्रो कारशेडसाठी केंद्र आणि राज्य स्तरावर हालचालींना वेग आला आहे. बुलेट ट्रेनसाठी राज्य सरकारनं सहकार्य केल्यानंतर आता कांजूर मेट्रो कारशेडसाठी केंद्र सरकारकडून प्रतिसाद मिळण्याची शक्यता आहे.