ST Staff: एकदा बडतर्फ केलं की पुन्हा कामावर घेता येत नाही ,अश्या कारवाईची वेळ आणू नका - शेखर चन्ने

गेले दोन महिने संपावर असलेल्या एसटी कर्मचाऱ्यांना एसटीच्या व्यवस्थापकीय संचालकानं पुन्हा एकदा इशारा दिलाय. बडतर्फ केलेल्या कर्मचाऱ्यांना पुन्हा कामावर घेता येत नाही. त्यामुळे एसटी कर्मचाऱ्यांनी तातडीनं कामावर यावं, असं आवाहन एसटीचे व्यवस्थापकीय संचालक शेखर चन्ने यांनी केलंय. कारवाई करण्याची वेळ आणू नका, कामावर हजर व्हा, असं चन्ने यांनी म्हटलंय. एसटी कर्मचाऱ्यांच्या संपामुळे एसटी महामंडळाचं तब्बल 1200 कोटी रुपयांचं नुकसान झालंय, असं त्यांनी सांगितलं.