ST Fare Hike | गणेशोत्सवापूर्वी ST च्या ग्रुप बुकिंगमध्ये 30% वाढ, प्रवाशांना फटका

एसटी महामंडळाने एकेरी ग्रुप बुकिंगवरील रकमेत तीस टक्क्यांची वाढ केली आहे. ही भाडेवाढ ऐन गणेशोत्सवाच्या तोंडावर करण्यात आल्याने प्रवाशांना मोठा फटका बसणार आहे. एसटी महामंडळाने या भाडेवाढीमागे एकेरी वाहतूक केल्यानंतर परतीच्या प्रवासात एसटी रिकामी येत असल्याचे कारण दिले आहे. मात्र, या कारणावरून नागरिक प्रश्न विचारत आहेत. "जर एसटी रिकामी येत असेल तर भाडेवाढ करुन उपयोग तो काय?" असा सवाल नागरिक करत आहेत. एसटीच्या या निर्णयामुळे गणेशोत्सवासाठी गावी जाणाऱ्या प्रवाशांना अधिक पैसे मोजावे लागणार आहेत. महामंडळाच्या या अजब कारभारावर सर्वसामान्यांकडून नाराजी व्यक्त होत आहे. रिकाम्या येणाऱ्या बसेससाठी भाडेवाढ करणे कितपत योग्य आहे, यावर चर्चा सुरू आहे. या निर्णयाचा थेट परिणाम हजारो प्रवाशांवर होणार आहे.