Solapur | महाविकास आघाडीच्या बैठकीत बॅनरवर सुशीलकुमार शिंदेंचा फोटो नसल्याने शिंदे समर्थक आक्रमक
Download ABP Live App and Watch All Latest Videos
View In Appपुणे पदवीधर आणि शिक्षक मतदारसंघातील उमेदवारांच्या प्रचारार्थ महाविकास आघडीची बैठक आज सोलापुरात पार पडली. महाविकास आघाडीच्या या बैठकीत सुशीलकुमार शिंदे समर्थक आक्रमक झालेले पाहायला मिळाले. बैठकीत बॅनरवर सुशीलकुमार शिंदे यांचा फोटो नसल्याने समर्थकांनी गोंधळ घातल्याचं समोर आलं आहे. यावरुन पुन्हा एकदा काँग्रेसमधील नाराजी नाट्य उघडकीस झालं आहे.
सुशीलकुमार शिंदे समर्थकांच्या गोंधळानंतर राज्यमंत्री सतेज पाटील स्वत: खाली उतरले. काही काळ बैठकीत एकचं गोंधळ उडालेला पाहायला मिळाला. सुशीलकुमार शिंदे समर्थकांनी जोरदार नारेबाजी करत जलसंपदामंत्री जयंत पाटील, उच्च शिक्षणमंत्री उदय सामंत यांच्यासमोर निषेध नोंदवला.
कार्यकर्त्यांची एकच मागणी होती की, सोलापूर मतदारसंघ हा विद्यमान आमदार प्रणिती शिंदे यांचा मतदारसंघ आहे. किमान त्यांचा तरी फोटो बॅनरवर असणं अपेक्षित होतं. मात्र कोणताही फोटो या बॅनरवर नसल्याने समर्थकांनी गोंधळ घातल्याचं समोर आलं आहे. त्यानंतर स्वत: राज्यमंत्री सतेज पाटील यांनी घडल्या प्रकाराबद्दल दिलगिरी व्यक्त करत कार्यकर्त्यांना शांत राहण्याचं आवाहन केलं. त्यानंतर गोंधळ निवळला.