Solapur Floods : Sina नदीच्या महापुरात विद्यार्थ्यांची स्वप्नं चिखलात, कागदपत्रं वाहून गेली

सीना नदीला आलेल्या महापुरामुळे उत्तर सोलापूर तालुक्यातील तिहेगावातील अनेक विद्यार्थ्यांचे मोठे शैक्षणिक नुकसान झाले आहे. पूर ओसरल्यानंतर घरात चिखलाचा थर साचला असून, यात विद्यार्थ्यांची महत्त्वाची कागदपत्रे आणि शैक्षणिक साहित्य वाहून गेले आहे. विक्रम चंदन शिवे या विद्यार्थ्याला याचा मोठा फटका बसला. बीएच्या प्रवेशासाठी आवश्यक असलेली कागदपत्रे, ज्यात ओरिजिनल एलसी, कास्ट सर्टिफिकेट आणि दहावीपासूनची सर्व मार्कलिस्ट यांचा समावेश आहे, चिखलात पूर्णपणे खराब झाली आहेत. "ज्या दिवशी मला admission घ्यायला जायचं होतं त्या दिवशी घरामध्ये आमच्या पाणी शिरलं होतं," असे विक्रमने सांगितले. त्याच्या भविष्यातील कृषी शिक्षणाच्या नोट्सही या पुरात नष्ट झाल्या आहेत. सरकारने या गंभीर परिस्थितीकडे लक्ष देऊन मदत करावी, अशी मागणी पूरग्रस्त विद्यार्थी करत आहेत.