Sindhudurg : सिंधुदुर्गाचा जगातील 30 सर्वात सुंदर पर्यटनस्थळांच्या यादीत समावेश : ABP Majha

तुम्हा आम्हाला नेहमीच भुरळ घालणाऱ्या सिंधुदुर्गाचा जगातील 30 सर्वात सुंदर पर्यटनस्थळांच्या यादीत समावेश झाला आहे. कोंड नेस्ट ट्रॅव्हलर या मॅगझिनने यंदाच्या वर्षी भेट देण्यासाठी जगातील ३० सर्वात सुंदर पर्यटनस्थळांची यादी जाहीर केली आहे. यामध्ये लंडन, सिसिली, सिंगापूर यासह आंतरराष्ट्रीय तसेच भारतीय ९ पर्यटनस्थळांत महाराष्ट्रातील एकमेव सिंधुदुर्गचा समावेश केला आहे. त्यामुळे सिंधुदुर्ग जिल्हा हा पर्यटनाच्या दृष्टीने आंतरराष्ट्रीय दर्जाचा जिल्हा असल्याचे शिक्कामोर्तब झाले आहे. स्वच्छ सुंदर किनारे, समुद्रातील प्रवाळ, सिंधुदुर्ग किल्ला, त्सुनामी आयलंड यासारख्या पर्यटनस्थळांविषयी थोडक्यात माहिती देण्यात आली आहे. तसेच स्कूबा डायव्हिंगची सोय, समुद्री जीवनाच्या दर्शनाची सोयही उपलब्ध असल्याची माहिती देण्यात आली आहे. चिपी विमानतळ सुरू झाल्यामुळे सिंधुदुर्गातील पर्यटन सोपं झाल्यानं जागतिक पर्यटनाच्या नाकाशावर सिंधुदुर्ग पोहोचला आहे.