Banner वरून Shivsena - NCP मध्ये जोरदार वाद, महापौर नरेश म्हस्के आणि आनंद परांजपे यांच्यात खडाजंगी

ठाण्यात लसीकरण केंद्र सुरू करण्यावरून आणि बॅनरबाजीच्या मुद्द्यावरून शिवसेना आणि राष्ट्रवादीत मोठा वाद निर्माण झाला आहे. राष्ट्रवादीच्या कार्यकर्त्यांनी थेट महापौर नरेश म्हस्के यांच्या दालनात घुसून मोठा गोंधळ घातला. त्यामुळे काही काळ तणावाचे वातावरण निर्माण झाले होते. जितेंद्र आव्हाड यांच्या मतदारसंघात लसीकरण महोत्सवाचं आयोजन करण्यात आलं होतं. याठिकाणी राष्ट्रवादीकडून लावण्यात आलेले बॅनर फाडले, यानंतर राष्ट्रवादीचे शहर अध्यक्ष आनंद परांजपे यांनी महापौर नरेश म्हस्के यांना जाब विचारला आणि याच वेळी नरेश म्हस्के आणि आनंद परांजपे यांच्यात चांगलाच वाद झाला.