Sharmila Thackeray : शिवतीर्थावर शर्मिला ठाकरेंकडून मनसे उमेदवारांचं औक्षण

Sharmila Thackeray : शिवतीर्थावर शर्मिला ठाकरेंकडून मनसे उमेदवारांचं औक्षण 

आगामी विधानसभा निवडणूक (Vidhan Sabha Nivadnuk 2024) अत्यंत चुरशीची ठरणार आहे. यंदाची निवडणूक राज्यातील पक्षफुटीनंतरची पहिली निवडणूक आहे. त्यामुळे यंदा राज्यात महायुती (Mahayuti) विरुद्ध महाविकास आघाडी (Maha Vikas Aaghadi) अशी लढत पाहायला मिळणार आहे. अशातच सर्वच पक्षांनी आपल्या याद्या जाहीर केल्या आहेत. अशातच यंदाच्या विधानसभेत (Vidhan Sabha Election 2024) मनसे स्वबळावर निवडणूक लढवणार आहे. पक्षानं आपल्या काही उमेदवारांची नावं जाहीर करुन टाकली आहे.

यंदाच्या निवडणुकीचं वैशिष्ट्य म्हणजे, आणखी एक ठाकरे निवडणुकीच्या रिंगणात उतरले आहेत. मनसेकडून अमित ठाकरेंना (Amit Thackeray) निवडणुकीच्या रिंगणात उतरवण्यात आलं आहे. तर, शिंदेंकडून विद्यमान आमदार सदा सरवणकर (Sada Sarvankar) निवडणूक लढवणार आहेत.  अशातच आता सर्वांचं लक्ष ठाकरेंकडे लागलं आहे. ठाकरे पुतण्याविरोधात उमेदवार देणार की, आपली हक्काची जागा मित्रपक्षांना सोडणार? हे पाहणं महत्त्वाचं ठरणार आहे. 

अमित ठाकरेंपूर्वी माजी मुख्यमंत्री उद्धव ठाकरे यांचे सुपुत्र आणि विद्यमान आमदार आदित्य ठाकरे 2019 मध्ये पहिल्यांदा 2019 मध्ये निवडणुकीच्या रिंगणात उतरले होते. त्यावेळी आदित्य ठाकरेंनी मोठ्या मताधिक्यानं विजय मिळवला होता. आदित्य ठाकरे हे ठाकरे घराण्यातील निवडणूक लढवलेले पहिले व्यक्ती होते. 2019 च्या निवडणुकीत, ज्यावेळी आदित्य ठाकरे वरळी मतदारसंघातून निवडणुकीच्या रिंगणात उतरले होते. त्यावेळी काका राज ठाकरे यांनी मात्र वरळीतून उमेदवार उभा केला नव्हता. अशातच आता उद्धव ठाकरेंचे पुतणे अमित ठाकरे निवडणुकीच्या रिंगणात उतरले आहेत. अद्याप ठाकरे गटाकडून यादी जाहीर करण्यात आलेली नाही. अशातच ठाकरे गटाच्या भूमिकेकडे सर्वांचं लक्ष लागलं आहे.