High Alert: Delhi तील स्फोटानंतर Manmad रेल्वे स्टेशनवर सुरक्षा वाढवली, संशयास्पद वस्तू दिसल्यास माहिती द्या - RPF

दिल्लीतील लाल किल्ल्याजवळ झालेल्या बॉम्बस्फोटाच्या पार्श्वभूमीवर देशभरात हाय अलर्ट जारी करण्यात आला असून, त्याचा परिणाम मनमाड रेल्वे स्टेशनवरही दिसून येत आहे. संभाव्य धोका टाळण्यासाठी मनमाड रेल्वे स्टेशनवर रेल्वे सुरक्षा बल (RPF) आणि श्वान पथकाने विशेष तपासणी मोहीम राबवली. स्टेशन परिसर, प्लॅटफॉर्म, वेटिंग रूम आणि गाड्यांमध्ये कसून तपासणी करण्यात आली. 'कोणतीही संशयास्पद वस्तू किंवा व्यक्ती दिसल्यास तात्काळ रेल्वे सुरक्षा विभागास माहिती द्यावी,' असे आवाहन प्रशासनाकडून नागरिकांना करण्यात आले आहे. या तपासणीमुळे स्टेशनवरील सुरक्षा व्यवस्था अधिक कडक करण्यात आली आहे.