Satara Doctor Suicide Case:महिल डॉक्टर आत्महत्येतील आरोपी प्रशांत बनकरला पुण्यातून अटक

फलटण येथील महिला डॉक्टर आत्महत्या प्रकरणामुळे संपूर्ण राज्यात खळबळ उडाली आहे. या प्रकरणी प्रशांत बनकर याला पुण्यातून अटक करण्यात आली आहे, तर मुख्य आरोपी, निलंबित पोलीस उपनिरीक्षक गोपाल बदने, अद्याप फरार आहे. 'पोलिसांना पोलिसच पकडता आला नसल्यामुळे आता साताऱ्यात एक वेगळी चर्चा सुरू होताना देखील आपल्याला पाहायला मिळते.' बदनेवर बलात्कार आणि बनकरवर शारीरिक व मानसिक छळाचा आरोप सुसाईड नोटमध्ये करण्यात आला आहे. बदनेच्या शोधासाठी पोलीस अधीक्षक तुषार दोशी यांच्या मार्गदर्शनाखाली अनेक पथके तयार करण्यात आली असून, त्याचे शेवटचे लोकेशन पंढरपुरात आढळले आहे. या घटनेमुळे पोलिसांच्या कार्यक्षमतेवर प्रश्नचिन्ह निर्माण झाले असून, फलटणमध्ये विविध संघटनांनी निदर्शने करत आरोपींना तात्काळ अटक करण्याची मागणी केली आहे. या प्रकरणात राजकीय हस्तक्षेपाचे आणि खोटे वैद्यकीय अहवाल देण्यासाठी दबाव टाकल्याचे आरोपही समोर आले आहेत.