Munde Family Feud: Pankaja-Dhananjay Munde यांच्यावर मामी Sarangi Mahajan यांचा हल्लाबोल

दिवंगत नेते गोपीनाथ मुंडे (Gopinath Munde) यांचे राजकीय वारसदार कोण यावरून पुन्हा एकदा वाद पेटला असून, पंकजा मुंडे (Pankaja Munde) आणि धनंजय मुंडे (Dhananjay Munde) यांच्यावर त्यांच्या मामी सारंगी महाजन (Sarangi Mahajan) यांनी घणाघाती टीका केली आहे. ‘त्यांची (Pankaja आणि Dhananjay Munde) वारसदार होण्याची लायकी नाही आणि त्यांचं तेवढं तळागाळाचं राजकारण पण नाहीये’, असे खळबळजनक वक्तव्य सारंगी महाजन यांनी केले आहे. गोपीनाथ मुंडे यांचे खरे वारसदार हे त्यांचे कार्यकर्ते आणि बीडची जनता आहे, असेही त्या म्हणाल्या. केवळ जमिनी लाटण्यासाठी आणि खंडणी गोळा करण्यासाठी हे बहीण-भाऊ एकत्र आले आहेत, असा गंभीर आरोपही त्यांनी केला. कालपरवाच पाशा पटेल (Pasha Patel) यांच्या फिनिक्स फाऊंडेशनला (Phoenix Foundation) गोपीनाथरावांनी दिलेली शंभर एकर जमीन हे बळकावत असल्याचा दावाही महाजन यांनी केला आहे. गोपीनाथ मुंडेंच्या नावाचा वापर करून हे जनतेला लुटत असल्याचा आरोप महाजन यांनी केला आहे.