Tukaram Maharaj Palkhi | इंदापूरमध्ये संत तुकाराम महाराजांच्या पालखीचा रिंगण सोहळा

इंदापूरमधील कस्तुरबाबाई कदम महाविद्यालयाच्या प्रांगणात संत तुकाराम महाराजांच्या पालखी सोहळ्यातील दुसरे गोल रिंगण पार पडले. आषाढी वारीत पंढरपूर जवळ येत असताना हे खेळ वाढतात. रिंगण सोहळ्याची सुरुवात वारकऱ्यांच्या खेळातून झाली होती. वारीने निम्मा टप्पा पूर्ण केल्यानंतर वारकऱ्यांमध्ये उत्साह संचारावा म्हणून या खेळाला सुरुवात झाली होती. रिंगणात टिळेकरी, टाळकरी, भगवा पताका घेतलेले वारकरी आणि शेवटी तुकाराम महाराजांचा अश्व धावतो.