Shinde Camp Scoop: 'आमदार Balaji Kalyankar हॉटेलवरून उडी मारणार होते', Sanjay Shirsat यांचा गौप्यस्फोट

सामाजिक न्याय मंत्री आणि शिवसेना नेते संजय शिरसाट यांनी नांदेडमधील एका कार्यक्रमात साडेतीन वर्षांपूर्वीच्या बंडखोरीबाबत एक खळबळजनक खुलासा केला आहे, ज्यात त्यांनी आमदार बालाजी कल्याणकर यांच्या मनस्थितीबद्दल माहिती दिली. शिरसाट यांच्या म्हणण्यानुसार, 'बंडखोरीच्या वेळी आमदार बालाजी कल्याणकर यांना आम्ही घेऊन गेले होते, पण त्यावेळी ते खूप नाराज होते, हॉटेलवरून उडी मारतो असे कल्याणकर म्हणाले होते'. त्यावेळी एकही आमदार कमी झाला असता तर आमदारकी धोक्यात आली असती, अशी भीती सर्वांना वाटत होती. कल्याणकर इतके तणावात होते की त्यांनी जेवण-खाणेही सोडून दिले होते आणि आमदारकी रद्द झाल्यास मतदारसंघावर काय परिणाम होईल या चिंतेत होते, असेही शिरसाट यांनी सांगितले.